Ավտովթար Երևանում. տուժել է 2-ամյա երեխա. ԶԼՄ

Այսօր՝ սեպտեմբերի 5-ին, ավտովթար է տեղի ունեցել Երևանում, տուժել է մանկահասակ երեխա։ Այս մասին հայտնում է shamshyan.com–ը։
 

«Ժամը 15:00-ի սահմաններում Nissan մակնիշի ավտոմեքենան Փիրումյան փողոցում, դեռևս անհայտ հանգամանքներում, բախվել է բազալտե եզրաքարին և գլխիվայր շրջվել»,–գրում է կայքը:
 

Վթարի հետևանքով ավտոմեքենայի ուղևորը, որը 2-ամյա աղջնակ է, մարմնական վնասվածքներով տեղափոխվել է «Սուրբ Աստվածամայր» բժշկական կենտրոն:
 

Վթարի փաստով քննչական բաժնում նախաձեռնվել է վարույթ, պարզվում են վարորդի և վիրավորի ինքնությունը:
 

Կայքի տեղեկություններով վարորդը կին է եղել, վիրավորն էլ նրա երեխան է: