Թալանել են Փաստաբանների պալատի փաստաբանի Range Rover-ը. հասցվել է մոտ 1 միլիոն դրամի վնաս
Օգոստոսի 29-ին՝ ժամը 10:30-ի սահմաններում ՀՀ Ներքին գործերի նախարարության Ոստիկանության Քանաքեռ-Զեյթուն բաժին է դիմել Երևանի բնակիչ 32-ամյա Հաբեթ Մարտիրոսյանը և հայտնել, որ իր բնակության վայրից՝ Պարույր Սևակ փողոցի շենքի մոտից, անհայտ անձը կամ անձինք տեխնիկական միջոցների գործադրմամբ գողացել են բակում կայանված՝ իրեն պատկանող Range Rover մակնիշի ավտոմեքենայի կողային հայելիները: Այս մասին հայտնում է shamshyan.com-ը։
Նշվում է, որ դեպքի փաստով ՀՀ Քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում նախաձեռնվել է քրեական վարույթ։
Աղբյուրի տեղեկություններով՝ Հ. Մարտիրոսյանը ՀՀ փաստաբանների պալատի փաստաբան է և նրան պատճառվել է մոտ 1 մլն դրամի վնաս։
