Ավտոմեքենայի պայթյուն և հրդեհ Երևանում. կա տուժած
Հրդեհ ավտոմեքենայում․ կա տուժած
Օգոստոսի 31-ին, ժամը 23:44-ին Ճգնաժամային կառավարման ազգային կենտրոն ահազանգ է ստացվել, որ Երևանի Քոչարյան փողոցի թիվ 32 շենքի մոտակայքում տեղի է ունեցել ավտոմեքենայի պայթյուն՝ հրդեհի բռնկմամբ։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Գայի պողոտայի թիվ 32 շենքի մոտակայքում կայանած «Kia» մակնիշի ավտոմեքենայում (վարորդ՝ Վ․Գ․). պայթյունի հետքեր չեն հայտնաբերվել:
Հրդեհը մեկուսացվել է ժամը 23։54-ին, մարվել՝ 23։57-ին։ Այրվել է ավտոմեքենայի սրահը։ Վարորդը այրվածքներով հոսպիտալացվել է «Այրվածքաբանության ազգային կենտրոն» ՓԲԸ։
Փրկարարները հոսանքազրկել են ավտոմեքենան և փակել գազի բալոնի փականը։
