Իգոր Ստրելկով-Գիրկինը ցանկություն է հայտնել մասնակցել ՌԴ-ի կայանալիք նախագահական ընտրություններին
Իգոր Գիրկինը (Ստրելկով), ով ծայրահեղականության մեղադրանքով գտնվում է քննչական մեկուսարանում, իրեն առաջարկել է Ռուսաստանի նախագահի պաշտոնում։
Նրա սոցցանցերում մի գրառում է հայտնվել, որում նա իրեն համեմատում է երկրի ներկայիս ղեկավար Վլադիմիր Պուտինի հետ։ Ըստ Ստրելկովի՝ նա այնքան էլ «դյուրահավատ» և «բարի» չէ, չունի միլիոնատեր ընկերներ և ծանրաբեռնված չէ խոստումներով։
Հիշեցնենք` Մոսկվայում հուլիսին ձերբակալվեց ազգայնական Իգոր Գիրկինին, որը նախագահ Վլադիմիր Պուտինին հրապարակավ քննադատել էր Ուկրաինայում «հատուկ ռազմական օպերացիան» ոչ արդյունավետ իրականացնելու և նպատակներին չհասնելու համար: Գիրկինին ներկայացրել են ծայրահեղական կոչեր հնչեցնելու մեղադրանք: Ներկա պահին Գիրկինը կալանավորված է, գտնվում է քրեակատարողական հիմնարկում:
Հավելենք, որ Ռուսաստանում նախագահական ընտրությունները տեղի կունենա 2024թ-ին:
