ՏԵՍԱՆՅՈՒԹ. Կիևը գիշերը հարձակման է ենթարկվել անօդաչու սարքերով և հրթիռներով. կան զոհեր և վիրավորներ
Օգոստոսի 30-ի գիշերը ռուսական զորքերը հրթիռներով և կամիկաձե անօդաչու սարքերով հարձակվել են Կիևի վրա, հայտնել է քաղաքային ռազմական վարչակազմի ղեկավար Սերգեյ Պոպկոն։
Նրա խոսքով, սկզբում քաղաքը ենթարկվել է անօդաչու թռչող սարքերի հարձակման տարբեր կողմերից, իսկ հետո օդային հրթիռները հարվածել են մայրաքաղաքին, ընդհանուր առմամբ հակաօդային պաշտպանության համակարգերով խոցվել է մինչև 20 հրթիռ և անօդաչու թռչող սարք։
«Գարնանից ի վեր ես նման հզոր հարձակում չեմ զգացել», - գրում է Պոպկոն։
Կիևի տարբեր թաղամասերում բեկորների անկման հետևանքով զոհվել է երկու մարդ՝ 26 և 36 տարեկան՝ տեղի ձեռնարկություններից մեկի պահակները։ Եվս երեք բնակիչ տարբեր ծանրության վնասվածքներ են ստացել։
