Ֆրանսիայի կառավարությունը մեկնաբանել է Գաբոնում տեղի ունեցած հեղաշրջումը
Ֆրանսիայի վարչապետ Էլիզաբեթ Բորնը հայտարարել է, որ Փարիզը վերահսկում է իրավիճակը Գաբոնում զինվորականների կողմից հայտարարված հեղաշրջումից հետո։ Այս մասին գրում է Reuters-ը։
Հայտարարությունը Բորնը արել է դեսպանների կոնֆերանսում եւ կոնկրետ մանրամասներ չի պարունակում։
Մինչ այս ԵՄ-ն հայտարարել էր, որ եթե երկրում հեղաշրջման մասին լուրերը հաստատվեն, ապա դա կդիտարկվի աֆրիկյան տարածաշրջանի ապակայունացման գործոն։
Օգոստոսի 30-ի առավոտյան Գաբոնի մի խումբ բարձրաստիճան սպաներ ելույթ են ունեցել երկրի գլխավոր հեռուստաալիքի՝ Գաբոն 24-ի եթերում՝ նախագահական ընտրությունների արդյունքների չեղարկման և կառավարական հաստատությունների լուծարման մասին հայտարարությամբ։ Սպաներն ասացին, որ իրենք իշխանությունն իրենց ձեռքն են վերցնում և ներկայացնում են երկրի պաշտպանության նախարարությունն ու զինված ուժերը: Այս ֆոնին տեղեկություններ են ստացվել մայրաքաղաք Լիբրևիլում փոխհրաձգության մասին:
