ՏԵՍԱՆՅՈՒԹ. Ավստրիայում և Սլովենիայում կրկին հեղեղումներ են
Հորդառատ անձրևները հարվածել են Ավստրիային և Սլովենիային, որոնց պատճառով հեղեղումներ են եղել: Գետերում ջրի մակարդակը կտրուկ բարձրացել է, դժվարացել է տրանսպորտային և երկաթուղային հաղորդակցությունը:
Տումպեն քաղաքում մոտ 70 մարդ տարհանվել է, նրանց տեղավորել են տեղի ակումբում և հրշեջ կայանում։ Ըստ կանխատեսումների՝ անձրևները կդադարեն միայն չորեքշաբթի օրը։
Լրատվամիջոցները նշում են, որ Ավստրիայի հարավում հորդառատ անձրևների հետևանքով ավերիչ ջրհեղեղներից ընդամենը շաբաթներ անց, ծայրահեղ եղանակը ևս մեկ անգամ փորձարկում է երկիրը:
