18+ ՏԵՍԱՆՅՈՒԹ․ Խանդի հողի վրա տղամարդը լողափում դանակահարել է աղջկան՝ հասցնելով 15 հարված. ՌԴ

ՌԴ Կրասնոդարի երկրամասում՝ ծովափին, տղամարդը դանակով հարձակվել է աղջկա վրա։ Նա խանդի հողի վրա դանակահարել է աղջկան՝ հասցնելով դանակի15 հարված։
 

Քննիչները քրեական գործ են հարուցել այն բանից հետո, երբ 25-ամյա տղամարդը խանդի դրդմամբ դանակով հարձակվել է 35-ամյա աղջկա վրա Կուբանի Տուապսե շրջանի լողափում։ Այս մասին հայտնում են Ռուսաստանի Դաշնության ՔԿ-ից։

«Քննիչների տվյալներով՝ ուրբաթ երեկոյան Տուապսե շրջանի Սոսնովի գյուղի առողջարանի լողափի տարածքում մեղադրյալը խանդի դրդմամբ դանակի 15 հարված է հասցրել Սալեխարդից իր 35-ամյա ծանոթին։ Ականատեսները կանգնեցրել են տղամարդուն, տուժածին ժամանակին բուժօգնություն է ցուցաբերվել։ Մեղադրյալը փորձել է փախչել, սակայն նրան բերման են ենթարկել և հանձնել իրավապահներին։

Քրեական գործ է հարուցվել տեղի 25-ամյա բնակչի նկատմամբ, որը մեղադրվում է սպանության փորձ կատարելու մեջ»,- ասվում է զեկույցում։

Լրատվամիջոցները հայտնում են, որ աղջկան ցուցաբերվել է անհրաժեշտ առաջին բուժօգնություն և հոսպիտալացվել է, այժմ նա գտնվում է ծանր վիճակում։