ՏԵՍԱՆՅՈՒԹ. Գիշերային ապոկալիպսիս Նովոսիբիրսկում

Գիշերային փոթորիկը Նովոսիբիրսկում միանգամից մի քանի հրդեհ է առաջացրել: Կայծակի հարվածներից այրվել են փողոցների լույսեր, մեքենաներ, առանձնատներ։ Այս մասին հայտնում են տեղի լրատվամիջոցները:

Մի քանի չվերթ չի հաջողվել վայրէջք կատարել Տոլմաչևո օդանավակայանում։ «Ես սա առաջին անգամ էի տեսնում, շատ սարսափելի էր»,- գրում են տեղի բնակիչները սոցիալական ցանցերում։

Ամպրոպ, կարկուտ և սաստիկ քամի է եղել նաև Տոմսկի և Օմսկի շրջաններում։ Այսօր այս շրջաններում կրկին վատ եղանակ է սպասվում, կանխատեսում են օդերևութաբանները։