Ինչ է հայտնի Պրիգոժինի հետ զոհված մարդկանց մասին

Հրապարակվել են մանրամասներ` երեկ  «Վագների» խմբի ղեկավար Եվգենի Պրիգոժինի հետ ավիավթարի հետևանքով զոհվածների մասին։

«Վագներ» ՄՌԿ-ի հրամանատար Դմիտրի Ուտկինը, ըստ բաց տվյալների, ՌԴ ԶՈւ ԳՇ ռուս հատուկ նշանակության ջոկատի սպա է, պահեստազորի փոխգնդապետ և Արիության չորս շքանշանի կրող։  Լրատվամիջոցների տվյալներով՝ 2014 թվականի մայիսին Դոնի Ռոստովի մոտ նա կազմակերպել է մարտիկների ուսումնական բազա և դարձել մի ստորաբաժանման հրամանատար, որը, ստացել է պայմանական «Վագներ ՄՌԿ» ծածկանունը։

Հայտարարված մահացածներից մեկը Սերգեյ Պրոպուստինն է։  Նրա մասին տեղեկություն է հայտնաբերվել ուկրաինական «Միրոտվորեց» ծառայությունում։  Հենց այնտեղ նրան անվանում են որպես ՄՌԿ անդամ, հետախույզ- նռնականետ։  

Այն, որ նա իսկապես աշխատել է Եվգենի Պրիգոժինի մոտ, РЕН ТВ-ին հաստատել է նրա զարմուհի Անաստասիա Պրոպուստինան։  Աղջկա խոսքով՝ հարազատի մահվան մասին իրենց դեռ չեն հայտնել։

Ռոսավիացիան ներկայացրել է նաև մեկ այլ զոհի անուն` Վալերի Չեկալով, որը Եվգենի Պրիգոժինի գործընկերն է։  Բացի այդ, Չեկալովը որոշ ժամանակ զբաղվել է ռազմական սննդի կազմակերպմամբ։

Վալերի Չեկալովը  «СПАРК» տվյալների բազայի համաձայն՝  «Նևա» ՓԲԸ-ի գլխավոր տնօրենն է, որը դարձել է Պրիգոժինի հետ փոխկապակցված  «Եվրոպոլիս» ընկերության սեփականատերը։

Չեկալովը հուլիսին պատժամիջոցների է ենթարկվել ԱՄՆ-ի կողմից Պրիգոժինի հետ կապերի համար, հաղորդել է ԱՄՆ արդարադատության նախարարությունը: 

«Վագների» հետ կապեր են ունեցել նաև Եվգենի Մակարյանը և Ալեքսանդր Տոտմինը։  Ցանցում, նրանք նշված են որպես ՄՌԿ-ի աշխատակիցներ: Ուկրաինական  «Միրոտվորեց»-ը Մակարյանին անվանում է  «Վագներ»-ի մարտիկ։ իսկ Տոտմինն, ըստ նույն աղբյուրի, մասնակցել է Սուդանում ռազմական գործողությունների։

Զոհվածների թվում են նաև անձնակազմի երեք անդամներ՝ օդանավի հրամանատար Ալեքսեյ Լևշինը Սանկտ Պետերբուրգից, երկրորդ օդաչու Ռուստամ Քարիմովը՝ հավանաբար Պերմից, և բորտուղեկցորդուհի Քրիստինա Ռասպոպովան, նախնական տվյալներով՝ Եկատերինբուրգից։