ՏԵՍԱՆՅՈՒԹ․ Յոհաննեսբուրգում Լավրովին պարերով են դիմավորել

ՌԴ ԱԳՆ ղեկավար Սերգեյ Լավրովը այսօր` օգոստոսի 22-ին, մեկնել է Յոհաննեսբուրգ (Հարավային Աֆրիկա), որտեղ կմասնակցի ԲՐԻԿՍ երկրների գագաթնաժողովին։

ՌԴ նախարարին ՀԱՀ–ում դիմավորել են պարերով։ Նշենք, որ ԲՐԻԿՍ գագաթնաժողովը ՀԱՀ–ում կանցկացվի օգոստոսի 22-24-ը։ Ռուսաստանը հանդիպումներին ներկայացնում է Լավրովը, իսկ ՌԴ նախագահ Վլադիմիր Պուտինը գագաթնաժողովին կմասնակցի տեսակապի ձևաչափով։

Առաջնորդների օրակարգի հիմնական թեմաները կլինեն կազմակերպության ընդլայնման և փոխադարձ հաշվարկներում ազգային արժույթի անցման հարցերը։ ՀԱՀ–ի ԱԳՆ–ն ավելի վաղ հայտնել էր, որ ԲՐԻԿՍ–ին միանալու պաշտոնական հայտ է ներկայացրել 23 երկիր, ևս մի շարք երկրներ իրենց հետաքրքրությունն են հայտնել ոչ պաշտոնական մակարդակով։

Հիշեցնենք՝ ավելի վաղ հայտնել էինք, որ Յոհանեսբուրգում մեկնարկում է ԲՐԻԿՍ–ի 15-րդ ֆորումը։