ՏԵՍԱՆՅՈՒԹ. Հրապարակվել է Կրասնոգորսկում ԱԹՍ–ի ոչնչացման պահը
Մերձմոսկովյան Կրասնոգորսկում անօդաչու թռչող սարքի պայթյունի պահը ֆիքսել է բազմահարկ շենքի կայանատեղիի տեսահսկման տեսախցիկը։ Ինչպես երեւում է տեսանյութում:
Տեղի իշխանությունների հաղորդմամբ՝ միջադեպի հետևանքով տուժածներ և զոհեր չկան:
Օգոստոսի 22-ի գիշերը Մերձմոսկվայում հակաօդային պաշտպանության կողմից ոչնչացվել է երկու անօդաչու թռչող սարք, հայտնել է շրջանի նահանգապետ Անդրեյ Վորոբյովը։
«Պայթյունի ալիքը կոտրել է բարձրահարկ շենքի ապակիները, վնասվել են ավտոմեքենաներ։ Բնակիչների շրջանում տուժածներ չկան, չկա նաև հրդեհ»,- գրել է Մոսկվայի մարզի ղեկավարը։
Բացի դա, երեքշաբթի գիշերը Բրյանսկի շրջանում հակաօդային պաշտպանության համակարգերի կողմից հայտնաբերվել և ճնշվել են երկու անօդաչու թռչող սարքեր: Նախարարության մամուլի ծառայությունից հայտնում են, որ տուժածներ չկան։
Մոսկվայի մարզում տեղի ունեցած միջադեպի պատճառով դադարեցվել է մայրաքաղաքի Վնուկովո, Դոմոդեդովո և Շերեմետևո օդանավակայանների աշխատանքը։
