Գերմանիայի կառավարությունը հաստատել է կանեփը ժամանցի համար օգտագործելու մասին օրինագիծը
Այսօր Գերմանիայի կառավարությունը հավանություն է տվել վիճահարույց բեկումնային օրինագծին, որը մեծահասակներին թույլ կտա գնել և պահել փոքր քանակությամբ կանեփ՝ ժամանցի նպատակով օգտագործման համար, գրում է Euronews-ը։
Որոշումը, որը դեռ պետք է ընդունվի խորհրդարանի կողմից, թույլ կտա մեծահասակներին պահել մինչև 25 գրամ կանեփ և առավելագույնը 3 բույս աճեցնել իրենց անձնական օգտագործման համար:
Նրանք նաև կկարողանան թմրանյութ գնել՝ միանալով շահույթ չհետապնդող «կանեփի ակումբներին», որոնց կթույլատրվի ունենալ առավելագույնը 500 անդամ:
Ներկայումս կանեփը Գերմանիայում օրինական է համարվում սահմանափակ բժշկական կարիքների համար աճեցնելու և օգտագործելու դեպքում:
