Ադրբեջանական ասոցիացիայի ղեկավարի նկատմամբ վճիռ է կայացվել հայերի հանդեպ ատելություն քարոզելու համար

Հաագայի շրջանային դատարանը վճիռ է կայացրել Նիդեռլանդներում ադրբեջանաթուրքական ասոցիացիայի ղեկավար Իլհամ Աշկինի նկատմամբ՝ հայերի հանդեպ ատելություն քարոզելու եւ հրապարակայնորեն վիրավորելու համար։ Այս մասին Թվիթերի իր էջում գրել է Նիդեռլանդներում եւ Լյուքսեմբուրգում Հայաստանի դեսպան Տիգրան Բալայանը։

Նա նշում է, որ դատարանը որոշումը կայացրել է Նիդեռլանդներում Հայաստանի դեսպանության եւ Նիդեռլանդների հայկական կազմակերպությունների ֆեդերացիայի հայցերից հետո։

Թե ինչ պատիժ է նախատեսված Իլհամ Աշկինի համար, դեռեւս հայտնի չէ։