Թեյի և սուրճի արտադրողները բարձրացնում են մանրածախ վաճառքի գներն աշխարհում
Աշխարհում թեյի և սուրճի խոշոր արտադրողները սեպտեմբերից 6-9%-ով բարձրացնում են մանրածախ վաճառքի գները՝ պատճառաբանելով «բարդ իրավիճակը»: Այս մասին գրում է «Կոմերսանտ»-ը։
Նշվում է, որ 15%-ով կբարձրանա նաև հրուշակեղենի արտադրանքների ինքնարժեքը։ Պարենային ապրանքների շուկայի այս հատվածներն ամենից շատ կախված են հումքի ներմուծումից, որը, բացի ռուբլու արժեզրկումից, թանկանում է կակաոյի հատիկների և թեյի բերքատվության անկման պատճառով։
Լրատվամիջոցը գրում է, որ խնայողությունների ռեժիմում ապրող սպառողների համար գները բարձրացնելու հնարավորությունները սահմանափակ են, հետևաբար, փորձագետների կարծիքով, մանրածախ առևտրով զբաղվողները ստիպված կլինեն բանակցել արտադրողների հետ:
