Սև ծովում ռուսական ռազմանավի և տանկերի վրա ծովային անօդաչու թռչող սարքերի հարձակումից հետո ցորենի համաշխարհային գները շարունակել են աճել: Այս մասին հայտնում է Bloomberg-ը։ 

Գործակալությունը հիշեցնում է, որ Ռուսաստանը իր հացահատիկի մեծ մասը տեղափոխում է ջրային ուղիներով։ 

Այս տարի Մոսկվան նախատեսում է ռեկորդային ծավալի բերքը վաճառել համաշխարհային շուկայում։ Հացահատիկի գործարքից Ռուսաստանի դուրս գալը վերջին մեկուկես տարվա ընթացքում առաջին անգամ առաջացրել է պարենային ապրանքների համաշխարհային գների աճ։