ՆԱՍԱ-ն զգուշացնում է Երկրին մոտեցող պոտենցիալ վտանգավոր աստերոիդի մասին
Օդագնացության և տիեզերական տարածության ուսումնասիրության ազգային վարչությունը (NASA) նախազգուշացրել է Երկրին մոտենալու հավանական վտանգավոր աստերոիդի մասին: Այս մասին հաղորդվում է ՆԱՍԱ-ի Երկրի մոտ գտնվող օբյեկտների ուսումնասիրության կենտրոնի կայքում, փոխանցում է Lenta.ru-ն։
Պորտալի տվյալներով՝ օբյեկտի մոտենալը Երկրին տեղի կունենա օգոստոսի 23-ին։ Այս օրը 6037 աստերոիդը (1988 EG) կանցնի մոլորակից մոտ վեց միլիոն կիլոմետր հեռավորության վրա: Նրա տրամագիծը, ինչպես նշված է կենտրոնում, 430-ից 960 մետր է, իսկ արագությունը՝ 14,25 կիլոմետր վայրկյանում։ Աստերոիդի առավելագույն մոտեցումը Երկրին սպասվում է Երևանի ժամանակով 12 :18-ին։ Ըստ կանխատեսումների՝ մոլորակի և երկնային մարմնի միջև նվազագույն հեռավորությունը կկազմի գրեթե 6,1 միլիոն կիլոմետր։
