![«Բարբի» ֆիլմը նոր ռեկորդ է սահմանել](https://auroranews.am/storage/img/base_image/old/2b48450efc2d6fd24265b300b9ef1f63.webp)
«Բարբի» ֆիլմը նոր ռեկորդ է սահմանել
![«Բարբի» ֆիլմը նոր ռեկորդ է սահմանել](https://auroranews.am/storage/img/base_image/old/2b48450efc2d6fd24265b300b9ef1f63.webp)
«Բարբի» ֆիլմը շարունակում է ռեկորդներ սահմանել։ Երկու շաբաթվա ընթացքում ֆիլմն ամբողջ աշխարհում հավաքել է 1 միլիարդ դոլար: Այս մասին հայտնում է The Hollywood Reporter-ը։
Հայտնի տիկնիկի մասին պատմող գեղարվեստական ֆիլմը Գրետա Գերվիգին պաշտոնապես դարձրել է աշխարհի առաջին կինը, ում նկարահանած ֆիլմը նման հաջողության է հասել համաշխարհային կինովարձույթում։
Բացի այդ, «Բարբին» ռեկորդ է սահմանել նաև տնային կինովարձույթում՝ կին ռեժիսորների մասնակցությամբ ստեղծված ֆիլմերի շրջանում․ Գրետա Գերվիգի ֆիլմը հավաքել է ավելի քան 460 միլիոն դոլար։ Նախորդ ռեկորդը պատկանում էր Աննա Վոդենին, ով Ռայան Ֆլեքի հետ համագործակցությամբ «Կապիտան Մարվելի» ռեժիսորն է։ Այն ժամանակ ֆիլմը տնային կինովարձույթում հավաքել էր 426 միլիոն դոլար:
«Բարբի» ֆիլմի պրեմիերան կայացել է 2023 թվականի հուլիսի 21-ին։ Ֆիլմում գլխավոր դերերը կատարում են Մարգո Ռոբին և Ռայան Գոսլինգը։