Թուրքիայի ԱԳ նախարարն ու Բլինքենը քննարկել են հայ-ադրբեջանական կարգավորման գործընթացը

Թուրքիայի արտաքին գործերի նախարար Հաքան Ֆիդանը հեռախոսազրույց է ունեցել Միացյալ Նահանգների պետական քարտուղար Էնթոնի Բլինքենի հետ։ 

Նրանք քննարկել են միջազգային, տարածաշրջանային և երկկողմ հարաբերություններին վերաբերող հարցեր:

Զրույցի ընթացքում պետական քարտուղարը և նախարարը, մասնավորապես, քննարկել են Հարավային Կովկասում տեղի ունեցող իրադարձությունները և անդրադարձել  Ադրբեջանի ու Հայաստանի հարաբերությունների կարգավորման գործընթացին:

Բլինքենը և Ֆիդանը քննարկել են նաև սևծովյան հացահատիկի գործարքի վերսկսումը, Սև ծովում անվտանգությունը և ՆԱՏՕ-ի ընդարձակման հեռանկարը:

Նշենք, որ զրույցը տեղի է ունեցել ամերիկյան կողմի նախաձեռնությամբ։