ՏԵՍԱՆՅՈՒԹ․ Եթե ՀՀ-ի և Ադրբեջանի միջև սահմանները որոշված չեն՝ ի՞նչ տարածքների հարց է բարձրացնում Ադրբեջանը․ Փաշինյանը՝ Ալիևին

Շարունակվում է կառավարության հերթական նիստը, որը վարում է վարչապետ Նիկոլ Փաշինյանը։ Նա իր հայտարարությամբ արձագանքեց Ադրբեջանի նախագահ Իլհամ Ալիևի Euronews-ին տված հարցազրույցին։ 

Հարցազրույցի ժամանակ Ալիևը հայտարարել էր, որ ՀՀ-ի ու Ադրբեջանի միջև սահմանները որոշված չեն։

«Տպավորություն է ստեղծվում, թե Ադրբեջանի պլանը հետևյալն է՝ ՀՀ-ի և Ադրբեջանի միջև Ալմաթայի հռչակագրով ֆիքսված սահմանը վիճարկելու տեղ թողնող դրույթներով խաղաղության պայմանագիր ստորագրել և հետագայում արդեն՝ սահմանազատման և սահմանագծման գործընթացում, տարածքային պահանջներ առաջադրել ՀՀ-ին։ Եթե ՀՀ-ի և Ադրբեջանի միջև սահմանները որոշված չեն՝ ի՞նչ տարածքների հարց է բարձրացնում Ադրբեջանը՝ սահմանի տարբեր հատվածներում: Եթե նման հարց բարձրացվում է, ուրեմն սահմանները որոշված են, իսկ այդ սահմանի գծից զորքերի հայելային հետքաշման ՀՀ առաջարկը շարունակում է մնալ ուժի մեջ»,- ելույթը եզրափակել է ՀՀ վարչապետը: