ՌԴ–ում Իսպանիայի դեսպանությունը հայերենով իր աջակցությունն է հայտնել Բորելի հայտարարությանը

ՌԴ–ում Իսպանիայի դեսպանությունը թվիթերյան էջում հայերենով է աջակցություն հայտնել ԵՄ դիվանագիտության ղեկավար Ժոզոֆ Բորելի հայտարարությանը։

ԵՄ դիվանագիտության ղեկավար Ժոզեպ Բորելը հուլիսի 26-ին հայտարարել էր, որ Ադրբեջանի իշխանությունները պարտավոր են ամենակարճ ժամկետում երաշխավորել անվտանգությունն ու ազատ տեղաշարժը Լաչինի միջանցքով և թույլ չտալ հետագա էսկալացիա։ Նա նաև նշել էր, որ Աղդամով երթուղին չպետք է դիտարկվի որպես Լաչինի միջանցքի բացման այլընտրանք։

«Իսպանիան աջակցում է Ժոզոֆ Բորելի հայտարարությանը` Լաչինի շրջափակման հետ կապված հումանիտար իրավիճակի մասին։ Ադրբեջանի իշխանությունները պետք է ապահովեն անվտանգությունն ու ազատ տեղաշարժը միջանցքում շատ արագ և թույլ չտան ճգնաժամի էսկալացիա»,– ասված է հրապարակման մեջ։

Նշենք, որ ՀՀ–ում չկա Իսպանիայի դեսպանություն։ ՀՀ քաղաքացիները վիզա ստանալու համար դիմում են Մոսկվայում գործող Իսպանիայի դեսպանությանը։

[265f31877a6a44ea45c6374d57898699.jpg]