ՏԵՍԱՆՅՈՒԹ․ Պարոն Սանոսյան, համոզված լինենք չէ՞, որ կռազի կապոտները որպես ցանկապատ չեք օգտագործել․ Նիկոլ Փաշինյան
Կառավարության այսօրվա նիստի ընթացքում ՏԿԵ նախարար Գնել Սանոսյանը զեկուցեց Արագածոտնի, Արարատի, Արմավիրի, Գեղարքունիքի, Շիրակի, Սյունիքի և Տավուշի մարզպետների աշխատակազմերին գումար հատկացնելու նախագծի մասին:
«Նախագիծը վերաբերում է 7 մարզի 12 համայնքում իրականացված ծրագրերին, որի ընդհանուր գումարը 1 միլիարդ 670 միլիոն դրամ է» ,- ասաց Սանոսյանը և հավելեց, որ այս տարվա 4 ծրագիր կա, մյուսները կա՛մ 2022, կա՛մ 2021 թվականների ծրագրեր են։
Վարչապետն էլ սկսեց թվարկել այն ծրագրերը, որոնք պետք է ֆինանսավորվեն։
«Ըստ այդմ Արագածոտնի մարզում Թալին խոշորացված համայնքի Մաստարա բնակավայրում գտնվող միջոցառման տան տարածքի ցանկապատի կառուցման աշխատանքներ։ Ըհը, տեսա՞ք պարոն Սանոսյան, միանգամից ցանկապատի աշխատանքներ ենք իրականացնում։ Պարոն Սանոսյան, համոզված լինենք չէ՞, որ կռազի կապոտները որպես ցանկապատ չեք օգտագործել» ,- ասաց վարչապետը։
