ՏԵՍԱՆՅՈՒԹ․ Հնարավո՞ր է՝ ԼՂ հարցը դուրս գա Հայաստան-Ադրբեջան բանակցություններից. լրագրողը` Փաշինյանին
Մեր կարծիքով՝ ՀՀ-ն ԼԶ ժողովրդի ճակատագիրը չի կարող որոշել: ԼՂ ներկայացուցիչները պետք է լինեն բանակցությունների և երկխոսությունների կողմ։ Այս մասին այսօր՝ հուլիսի 25-ին, մամուլի ասուլիսի ընթացքում հայտարարեց վարչապետ Նիկոլ Փաշինյանը։
«Մենք այդ օրակարգն ենք առաջ մղում՝ նկատի ունենալով, որ Լեռնային Ղարաբաղի ժողովրդի իրավունքներն ու անվտանգությունը պետք է քննարկվեն ԼՂ ներկայացուցիչների մասնակցությամբ՝ Բաքու-Ստեփանակերտ ֆորմատով, միջազգային մեխանիզմների շրջանակներում» ,- հայտարարեց վարչապետը։
Փաշինյանն ասաց, թե կարծում է, որ ԼՂ իշխանությունները կարող են հարցեր առաջադրել, բովանդակություն գեներացնել և որ շատ կարևոր է՝ կրել այդ բովանդակության հետ առնչվող քաղաքական պատասխանատվությունը:
«Դա է ճիշտ ճանապարհը» ,- հայտարարեց Նիկոլ Փաշինյանը։
Մանրամասները՝ տեսանյութում
