Ղրիմի և Կերչի կամրջի վրա հարձակումները կշարունակվեն. Ուկրաինայի պաշտպանության նախարար
«Ուկրաինան կշարունակի հարձակումները Ռուսաստանի կողմից օկուպացված Ղրիմի, ինչպես նաև ՌԴ-ն և Ղրիմի հետ կապող Կերչի կամրջի վրա»: Այս մասին հայտարարել է Ուկրաինայի պաշտպանության նախարար Ալեքսեյ Ռեզնիկովը։ Նա այս մասին ասել է CNN-ին տված հարցազրույցում:
Միաժամանակ նա խոստովանել է, որ Ուկրաինայի հակահարձակումը դանդաղ է ընթանում և հետ է մնում ժամանակացույցից։
Աղբյուրը հիշեցնում է, որ Ռուսաստանն օրերս հրթիռային հարվածներ է հասցրել Ուկրաինայի հարավային Օդեսա քաղաքին և հարակից շրջաններին, իսկ Ուկրաինան շարունակում է հարվածներ հասցնել Ղրիմի ներսում: Երեքշաբթի ուկրաինական անօդաչու թռչող սարքերը հարվածել են Ղրիմում զինամթերքի պահեստին, Կերչի կամրջին։
