ՏԵՍԱՆՅՈՒԹ․ Ոստիկանները փողոց են հանել ջրցան մեքենաները․ Իրայելում բողոքի ակցիաները շարունակվում են
Իսրայելում շարունակվում են բողոքի ու անհնազանդության ցույցերը՝ դատական բարեփոխումների դեմ։ Այսօր՝ հուլիսի 24-ին, ոստիկանությունը փողոց է հանել ջրցան մեքենաներ, ինչի գործարկման պատճառով ցուցարար է վիրավորվել։ Այս մասին հաղորդում է The Israyel times-ը։
Ցուցարարի վիրավորումը գլխի հատվածում է եղել։
Նշվում է, որ տասնյակ ցուցարարներ ձերբակալվել են Եբրայական համալսարանի ավագ դպրոցի մոտ։ Շուրջ 150 ընկերություններ, այդ թվում՝ առևտրի կենտրոններ և բանկեր ընդգրկող Բիզնես ֆորումում հայտարարել են հուլիսի 24-ին նախատեսված գործադուլի մասին։
Նշենք, որ բարեփոխումներով նախատեսվում են գերագույն դատարանի լիազորությունների սահմանափակում և դատավորների ընտրության վերահսկողության տրամադրում՝ իշխանության գործադիր ճյուղին: Բացի այդ, ըստ իսրայելական լրատվամիջոցների, վիճելի օրենսդրությունը նպատակ ունի թույլ չտալու դատարանին օգտագործել «խելամտության օրենքը» կառավարության կամ ընտրված պաշտոնյաների կողմից կայացված որոշումները գնահատելիս:
