Մի՞թե այդքան անհասկացող են․ Ալիևը՝ Հայաստանին և Արցախին իր «ուղերձների» մասին
Ադրբեջանի նախագահ Իլհամ Ալիևը հայտարարել է, որ Լաչինի միջանցքում հսկիչ անցագրային կետի ապօրինի հաստատումն ուղերձ է եղել։
Նա նշել է, թե սահմանային անցակետի ստեղծումը կարևոր քայլ է հետկոնֆլիկտային իրավիճակում, և որ Ադրբեջանի այս գործողությունները «ընդունվեցին բոլոր դերակատարների կողմից, թեև ոչ անմիջապես և ոչ այնքան պատրաստակամորեն, բայց արդյունքում ընկալվեցին որպես լեգիտիմ»։
«Դա նույնպես ուղերձ էր։ Դե, քանի՞ անգամ պետք է ուղերձներ հղենք, քանի՞ անգամ ակնարկենք։ Մի՞թե եղածը քիչ է։ Եվ Փարուխի գործողությունը, և Հայաստանի ու Ադրբեջանի սահմանի իրավիճակը 2021 թ․ մայիսին, և 2022-ի սեպտեմբերին սահմանին եղած իրավիճակը և սահմանապահ անցագրային կետը։ Դե, ինչքա՞ն պետք է նրանց ուղերձներ հղենք։ Մի՞թե այդքան անհասկացող են»,- նշել է Ալիևը։
