Սպասվում է մինչև 48 աստիճան տաքություն․ Եվրոպայում ծայրաստիճան շոգերը շարունակվում են պահպանվել

Նախազգուշացումներ են տրվել այն բրիտանացիներին, որոնք պիտի ճանապարհորդեն Իտալիայի, Իսպանիայի կամ Հունաստանի ուղղություններով, որ այս երկրներում ծայրահեղ շոգեր են սպասվում։ Այս մասին հաղորդում է Sky news-ը։ 

Հաղորդվում է, որ ըստ օդերևութաբանների՝ այս շաբաթ հարավային Եվրոպայում ջերմաստիճանը նոր ռեկորդային ցուցանիշներ կգրանցի:

Վերջին կանխատեսումները ցույց են տալիս՝ մոտակա օրերին ջերմաստիճանը կհասնի +44- ի։ 

Նշվում է, որ Համաշխարհային օդերևութաբանական կազմակերպությունը կանխատեսել է՝ այս շոգերը պահպանվելու են նաև օգոստոսին։ 

Իսկ ի՞նչ իրավիճակ է տիրում Եվրոպայում

Կանխատեսվում է, որ Հունաստանում ջերմաստիճանը կշարունակի բարձրանալ նաև այս շաբաթ։ Աթենքում շաբաթա վերջին ջերմաստիճանը կարող է հասնել մինչև 43-ի։ 

Առնվազն 6 ծովափնյա քաղաքի տարհանման հրաման է տրվել։ Հունաստանի օդերևութաբանական ծառայությունը նախազգուշացրել է՝ այս շաբաթ հրդեհի բարձր ռիսկը կպահպանվի:

Իսպանիայում ջերմաստիճանը կշարունակվի բարձրանալ։ Սևիլիայի մոտ գտնվող Գվադալկիվիր հովտում ջերմաստիճանը կբարձրանա մինչև 44 աստիճան:

Նշվում է, որ իսպանական Լա Պալմա Կանարյան կղզում անտառային հրդեհները շարունակում են անվերահսկելի մնալ: Ավելի քան 4000 բնակիչ ստիպված  լքել են իրենց տները։ Ավելի քան 300 հրշեջներ, ինը ջրատար ուղղաթիռ և երկու ինքնաթիռ փորձում են մարել կրակը։

Իտալիայում էլ պատրաստվում են նոր ռեկորդային ջերմաստիճանի: Կանխատեսվում է 48 ատիճան տաքություն։