Դավիթ Գալստյանն արդեն ազատության մեջ է
«Պարոն Գալստյանն ազատության մեջ է։ Գրավը վճարվել է, այս պահին ազատության մեջ է»,- Aravot.am-ի հետ զրույցում տեղեկացրել է Դավիթ Գալստյանի պաշտպան Արմեն Անդրիկյանը։
Հիշեցնենք՝ ՀՀ պաշտպանության նախկին նախարար Դավիթ Տոնոյանի նախկին խորհրդական, զենքի առքուվաճառքով զբաղվող գործարար Դավիթ Գալստյանը (Պատրոն Դավո) որպես մեղադրյալ է ներգրավվել Ազգային անվտանգության ծառայությունում քննվող քրեական գործերից մեկով։
Հակակոռուպցիոն դատարանում այսօր շարունակվել է այս գործով քննությունը, որով անցնում է նաև ՀՀ երրորդ բանակային կորպուսի նախկին հրամանատար, գեներալ-մայոր Գրիգորի Խաչատուրովը։
Նիստի ընթացքում քննվել է Գրիգորի Խաչատուրովի կալանքի երկարաձգման հարցը։ Ինչպես արդեն հայտնել էինք՝ որոշվել է ևս երեք ամսով երկարացնել Գրիգորի Խաչատուրովի կալանքի ժամկետը։
