ՏԵՍԱՆՅՈՒԹ․ Արջը հոտոտում է անտառի տեսախցիկը, հետո թաթով կոտրում այն․ ՌԴ
ՌԴ Տյումենի մարզում արջը ոչնչացրել է անվտանգության տեսախցիկը։
Չուգունաևսկոյե որսորդական ֆերմայի աշխատակիցները ցույց են տվել, թե ով է ոչնչացրել անտառի թաքնված տեսախցիկը։ Հարձակման պահը նկարահանվել է հենց նույն տեսախցիկով։
Արջերի ընտանիքը խաղաղ քայլում էր անտառով, երբ նրանցից մեկը նկատեց տեսախցիկը։ Հետաքրքրասեր կենդանին հոտոտեց այն, իսկ հետո թաթով «ուղղեց»։
«Հանցագործությունը բացահայտվեց: Մենք գտանք բարբարոսների, որոնք կոտրում էին մեր որսորդական ֆերմայի ֆոտո և վիդեո սարքավորումները։ Սա երեք հանցակիցներից բաղկացած բանդա է՝ մայր և երկու որդին»,- մեկնաբանել են Չուգունաևսկոյե որսորդական ֆերմայի թելեգրամյան ալիքում հրապարակված տեսանյութին կից։
