Ռուսաստան, Իրան, Պաղեստին․ Բայդենն ու Իսրայելի նախագահը հանդիպել են
ԱՄՆ նախագահ Ջո Բայդենը Իսրայելի նախագահ Իցհակ Հերցոգի հետ հանդիպման ժամանակ քննարկել է Իրանի և Ռուսաստանի հարցը, հայտնում է Սպիտակ տունը։
Նրանք խորհրդակցել են փոխադարձ հետաքրքրություն ներկայացնող առանցքային հարցերի շուրջ, այդ թվում՝ ուժեղացնելով կոորդինացումը՝ Իրանի կողմից միջուկային զենքի ձեռքբերումը թույլ չտալու և Ռուսաստանի հետ Իրանի աճող պաշտպանական գործընկերության շուրջ:
Նշվում է, որ Բայդենը վերահաստատել է իր «հավատարմությունը երկու պետությունների համակեցության հիման վրա բանակցությունների միջոցով իսրայելա-պաղեստինյան հակամարտությունը լուծելու ուղու պահպանմանը», ինչպես նաև «իսրայելցիներին և պաղեստինցիներին ազատության, բարգավաճման և անվտանգության հավասար պայմաններ ապահովելու համար»։
«Նախագահն ընդգծել է Հորդանան գետի Արևմտյան ափի անվտանգության և տնտեսական իրավիճակի բարելավման և ահաբեկչական հարձակումները կանխելու համար լրացուցիչ միջոցներ ձեռնարկելու անհրաժեշտությունը»,- հայտնել են ԱՄՆ նախագահի աշխատակազմում։
Առաջնորդները նաև քննարկել են շարունակական համագործակցությունը՝ մշակելու տեխնոլոգիական լուծումներ՝ հաղթահարելու ընդհանուր գլոբալ մարտահրավերները, ինչպիսիք են կլիմայի փոփոխությունը, համաճարակը և պարենային անապահովությունը:
