Գերիների և անհետ կորածների ծնողները բացեցին Բաղրամյանը. Նիկոլ Փաշինյանը կընդունի նրանց

Գերիների և անհետ կորածների ծնողները, որոնք փակել էին Բաղրամյան պողոտան, բացեցին այն։

Ծնողները հայտնել են, թե կառավարությունից խոստացել են, որ վարչապետ Նիկոլ Փաշինյանը մեկ շաբաթվա մեջ կընդունի իրենց։ Նրանք, սակայն, զգուշացրել են՝ եթե հանդիպում չեղավ՝ կտրուկ քայլերի են դիմելու։

«Փորձենք հավատալ, եթե չեղավ՝ ավելի շատով ենք հավաքվելու, ավելի շատ փողոց ենք փակելու»,- նշել է ծնողներից մեկը։

Հայտնել էինք, որ  Էջմիածնի «Քիմիկների զորամաս»-ի անհետ կորած և գերի ընկած զինծառայողների հարազատները փակել են Բաղրամյան-Պռոշյան խաչմերուկը։