ՏԵՍԱՆՅՈՒԹ․ Լարված իրավիճակ` Բաղրամյան պողոտայում․ անհետ կորած զինվորների ծնողները փակել են Բաղրամյան-Պռոշյան խաչմերուկը
Այս րոպեներին լարված իրավիճակ է ստեղծվել Բաղրամյան պողոտայում։ Էջմիածնի «Քիմիկների զորամաս»-ի անհետ կորած և գերի ընկած զինծառայողների հարազատները փակել են Բաղրամյան-Պռոշյան խաչմերուկը։
Նրանք առավոտվանից ցույցեր են սկսել նախագահական նստավայրի և կառավարության շենքերի մոտ։ 2,5 ժամ սպասելուց հետո նրանց չեն ընդունել ո՛չ կառավարությունից, ո՛չ նախագահականից։ Այս պահին երթևեկությունը տվյալ հատվածում կաթվածահար վիճակում է։
«Մեզ ասում են՝ աշխատում ենք։ Բա եթե աշխատում եք, ու՞ր ա ձեր աշխատածի արդյունքը» ,- ասում է անհետ կորած զինվորներից մեկի ծնողը։
Նրանք ասացին, որ մինչև չստանան իրենց հարցերի պատասխանները՝ ոչ մի տեղ չեն գնալու։
