ՏԵՍԱՆՅՈՒԹ․ Հորդառատ անձրև՝ Մոսկվայում․ զգուշացվում է փակել սրճարանների ամառային պատշգամբները

Մոսկվայի կենտրոնում հորդառատ անձրև է տեղացել: Այս մասին գրում են թելեգրամյան ալիքները և տեսանյութեր տարածում։ 

Նշվում է, որ մի քանի օրվա տաք եղանակից հետո մայրաքաղաքում տեղացել է հորդառատ անձրև, եղել է քամի, ամպրոպ և, ըստ կանխատեսումների, նույնիսկ կարկուտ։ 

Մոսկվայի իշխանություններն արդեն զգուշացրել են սրճարանների սեփականատերերին, որ ավելի լավ է փակել ամառային պատշգամբները և հնարավորության դեպքում ամրացնել դրանք։

Հայտնի է, որ հորդառատ անձրևը հեղեղել է երթևեկելի և հետիոտնային ճանապարհները Նովի Արբատում։ Նշվում է նաև, որ վատ եղանակի պատճառով ճանապարհներին խցանումներ են առաջանում։