ՏԵՍԱՆՅՈՒԹ․ Արարատ լեռան ձնհալի հետևանքով սելավ է առաջացել
Արարատ լեռան վրա ձյան հալվելու հետևանքով սելավային հոսքեր են առաջացել։ Այս մասին հայտնում են թուրքական լրատվամիջոցները:
Ավելի վաղ հաղորդվել էր, որ Թուրքիային վրա է հասել «Կերբերուս» հակացիկլոնը: Երկրի մեծ մասում շոգ է, օդի ջերմաստիճանը մոտ 45 աստիճանի է հասնում:
Թուրքիայի օդերևութաբանության գլխավոր վարչության տվյալներով՝ հուլիսի 14–ին Ստամբուլի ասիական կողմում գրանցվել է 39,7 աստիճան։ Եվս մի փոքր, ու կտատանվեր պատմական ռեկորդը՝ 40,6 աստիճան: Ընդ որում, ճանապարհներին ասֆալտը տաքացել է մինչև 50 աստիճան։
