Հասարակություն Կարևոր

Ախր պետք է ուժեղանանք, որ իրենք մեզ կանչեն ու հարցնեն՝ ինչ ենք ուզում. Դավիթ Հակոբյանի կոչը

Ախր պետք է ուժեղանանք, որ իրենք մեզ կանչեն ու հարցնեն՝ ինչ ենք ուզում. Դավիթ Հակոբյանի կոչը
Հիմա մեզ կոչ են անում պետություն չունենալ, որ մեզ չմորթեն։ Արևմտյան Հայաստանում մենք պետություն ունեի՞նք, որ մեզ մորթեցին, բա ինչո՞ւ մորթեցին։ Այս մասին Ֆրանսիայի դեսպանատան առջև իրականացվող ակցիայի…

Հիմա մեզ կոչ են անում պետություն չունենալ, որ մեզ չմորթեն։ Արևմտյան Հայաստանում մենք պետություն ունեի՞նք, որ մեզ մորթեցին, բա ինչո՞ւ մորթեցին։ Այս մասին Ֆրանսիայի դեսպանատան առջև իրականացվող ակցիայի ժամանակ լրագրողների հետ զրույցում ասաց ՀՀ վաստակավոր արտիստ Դավիթ Հակոբյանը։

 

«Մեզ հիմա անհրաժեշտ է 40 տարվա գոյաբանական անվտանգային երաշխիք, որ այդ տարիների ընթացքում առաջանա նոր էլիտա, այն սերուցքը, որի հետևից պետք է գնա ժողովուրդը։ Այսօր մեր գերխնդիրն է ստեղծել անվտանգային երաշխիք։ Թե չէ կնկնենք այն բադերի օրը, որ սատկում են, իսկ մարդիկ առաջարկում են տարբեր դեղեր փորձել»,- ասաց նա։

 

Հակոբյանը նշեց, որ չի հասկանում՝ ումի՞ց ենք բան պահանջում։

 

«Այսօր պահանջում ենք Ֆրանսիայի դեսպանատնից, ԱՄՆ-ից, ՌԴ-ից, բայց ուժեղից ի՞նչ ենք պահանջում, ախր պետք է ուժեղանանք, որ իրենք մեզ կանչեն ու հարցնեն՝ ինչ ենք ուզում։ Անկեղծորեն չեմ հասկանում այսօր Հայաստանում ո՞րն է մեր գերխնդիրը, քանի որ ես պարզ ճշմարտություն գիտեմ՝ նախ, պետք է ճշտես, թե ինչ ես ուզում»,-նշեց վաստակավոր արտիստը։

 

Նշենք, որ Երևանում շարունակվում են ի աջակցություն արցախցիների բողոքի ակցիաները։ Արցախցիներն ու տասնյակ քաղաքացիներ Ֆրանսիայի դեսպանատան դիմաց են ցույց անում՝ պահանջելով ապաշրջափակել Լաչինի միջանցքը։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3203) ԱՄՆ (2274) Ռուսաստան (2072) Իրան (1730) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250