Մահացել է Արցախի պետնախարարի աները․ չի հաջողվել բուժօգնություն ցուցաբերել․ ԶԼՄ
Երեկ մահացել է Արցախի պետական նախարարի աները, հայտնում է ArmLur.am-ը՝ վկայակոչելով իր տեղեկությունները։
Ըստ կայքի տեղեկությունների՝ նրա առողջական վիճակը հանկարծակի վատթարացել է ու քանի որ Արցախում այս պահին առողջապահական լուրջ խնդիրներ կան, անհնարին է դարձել նրան բժշկական օգնություն ցուցաբերելը, ինչի պատճառով արձանագրվել է մահը:
Հիշեցնենք, որ Արցախի Վերածննդի հրապարակում այս օրերին համաժողովրդական շարժում է սկսվել: Հրապարակում վրաններ են տեղադրվել: Ադրբեջանն արդեն կես տարի է՝ փակել է Հայաստան-Արցախին կապող միակ ճանապարհը, ինչի պատճառով լուրջ հումանիտար խնդիրներ են առաջացել:
