Այս գործընթացում գլխավոր դերակատարը Հայաստանի վարչապետն է․ Մետաքսե Հակոբյան

Մենք պետք է արձնագրենք, որ Հայաստանը որպես սուբյեկտ այլեւս գոյություն չունի միջազգային հարթակներում, ինքը միայն օգտագործվող է. Հայաստանը վարչապետը ոչ թե բանակցային սեղանի շուրջ է, այլ այդ սեղանի վրա: Այս մասին NEWS.am-ի հետ զրույցում նշեցլ է Արցախի ԱԺ «Արդարություն» խմբակցության պատգամավոր Մետաքսե Հակոբյանը:

«Նա որպես գործիք էմ, որպես լսող է, բայց որպես բանակցող կողմ այլեւս չի դիտարկվում: Որոշում կայացնողները պետք է կայացնեն, իսկ ինքը պետք է կատարի»,-ասել է նա:

Մետաքսե Հակոբյանը կարեւորել էբանակցողին փոխելու անհրաժեշտությունը. «Չի կարող հայաստանը վտանգած, Արցախը վաճառքի հանածը փոխել իր մարտավարությունը, որովհետեւ իրենց հենց նշանակել են վարչապետ դրա համար: Իր տերերը, որ արդեն չեն թաքցնում, դա հավաքական Արեւմուտքն է, իրեն բերել են, որ այդ խամաճիկի միջոցով լուծեն Ռուսաստանի հարցերը: Այս գործընթացում գլխավոր դերակատարը Հայաստանի վարչապետն է: Իհարկե, իր չլինելու դեպքում մեր դիրքերը լրիվ փոխվելու են եւ անգամ Մադրիդյան սկզբունքների կիրառումը իրականացվելու է:

Ուղղակի չպետք է լինի Նիկոլ Փաշինյանը, չպետք է լինի ՔՊ-ի խմբակը: Իր դեպքում դա անհնար է»,-ասել է արցախցի պատգամավորը:

Անդրադառնալով Բաքու-Ստեփանակերտ երկխոսությանը, նա ասել է. «Մենք չենք խուսափում բանակցություններից, բայց դա պետք է լինի միջազգայնորեն երաշխավորված հարթակ, որտեղ որպես հավասար կողմ կդիտարկվի Արցախը: Սակայն Շառլ Միշելը շատ պարզ ասաց, որ Արցախը որպես Ադրբեջանի կազմում գտնվող էթնիկ փոքրամասնության ներկայացուցիչներ գնանք իրենց հետ խոսենք: Սա մեր կողմից չի կարող ընդունելի լինել:

Ելքը մեկն է՝ ազատվել Հայաստանի դավաճան, Արցախը և Հայաստանը հանձնող իշխանություններից: Երբ ՀՀ-ում լինեն ազգային շահը սպասարկող իշխանություններ, բանակցային սեղանին մեր դիրքերը արագ կբարելավվեն: Մեր դիրքերում շատ լուրջ փոփոխություններ կլինեն»,-ընդգծել է նա: