Ադրբեջանը մի քանի միլիոն դոլար է հատկացրել Ուկրաինային
Ադրբեջանի նախագահ Իլհամ Ալիևը հրաման է ստորագրել Ուկրաինային մարդասիրական օգնություն ցուցաբերելու մասին: Այս մասին հաղորդում է ТАСС-ը:
«Ուկրաինային մարդասիրական օգնություն ցուցաբերելու համար էլեկտրասարքավորումներ ձեռք բերելու և ուղարկելու համար Ադրբեջանի պետբյուջեով նախատեսված նախագահի պահուստային ֆոնդը հանրապետության էներգետիկայի նախարարությանը կհատկացնի 7,6 մլն մանաթին համարժեք դոլար»,- ասված է հրամանում:
Անցած դեկտեմբերին Ադրբեջանը Ուկրաինային հումանիտար բեռ է ուղարկել՝ բաղկացած էլեկտրական սարքավորումներից՝ 45 ուժային տրանսֆորմատորներ և 50 գեներատորներ՝ ավելի քան 800 հազար դոլար արժողությամբ։
