Ռոնալդուն հայտնվել է Գինեսի ռեկորդների գրքում՝ որպես 2023 թ. ամենաբարձր վարձատրվող մարզիկ

Պորտուգալացի ֆուտբոլիստ Կրիշտիանու Ռոնալդուն ընդգրկվել է Գինեսի ռեկորդների գրքում՝ որպես 2023 թվականի ամենաբարձր վարձատրվող մարզիկ։ Այս մասին հաղորդվում է կազմակերպության կայքում։

Ֆուտբոլիստի ռեկորդային եկամուտը կազմել է 136 մլն դոլար։ Forbes ամսագրի տվյալներով՝ Ռոնալդուն ֆուտբոլի խաղադաշտում վաստակել է 46 միլիոն դոլար, ևս 90 միլիոնը ստացել է դրանից դուրս։

Ցուցակի երկրորդ տեղը պատկանում է Ռոնալդուի հավերժական մրցակցին՝ արգենտինացի Լիոնել Մեսսիին, ում տարվա եկամուտը կազմել է 130 մլն դոլար, երրորդ ամենահարուստ մարզիկը ֆրանսիացի ֆուտբոլիստ Կիլիան Մբապպեն է՝ 120 մլն դոլար եկամուտով։