Վիտալի Բալասանյանը և իր որդին բերման են ենթարկվել․ ԶԼՄ
Քիչ առաջ ԼՂ-ում բերման են ենթարկվել Արցախի հերոս, ԱՀ Անվտանգության խորհրդի նախկին քարտուղար Վիտալի Բալասանյանը և նրա որդին: Այս մասին գրում են ԶԼՄ-ները՝ հղում տալով Hayeli.am-ին:
«Ակնհայտ է, որ Արցախի հերոս Բալասանյանը խանգարում էր Արայիկ Հարությունյան- Նիկոլ Փաշինյան- Իլհամ Ալիև եռյակի պլանների իրագործմանը»,- գրել է կայքը:
Հիշեցնենք, որ Արցախի՝ կես տարուց ավելի շարունակվող ադրբեջանական շրջափակումը, իսկ հիմա արդեն՝ ամբողջական մեկուսացումով, հանգեցրել է հումանիտար ծայրահեղ ճգնաժամի:
Արցախի 120.000 ժողովուրդը, այդ թվում՝ 30 հազար երեխաներ, ապրում են սննդամթերքի, մանկական կերի, դեղորայքի, բենզինի ու դիզելային վառելիքի, գազամատակարարման բացակայության և էլեկտրաէներգիայի հովհարային անջատումների, սովի մատնվելու վտանգի պայմաններում:
