ՏԵՍԱՆՅՈՒԹ․ Վարորդը ցանկացել է կերակրել արջին, սակայն քիչ է մնացել՝ ինքն արջի կերակուր դառնա. ՌԴ
ՌԴ Կամչատկայի Ուստ-Բոլշերեցկ շրջան տանող ճանապարհին մեքենայի վարորդը կանգ է առել՝ մայրուղու մոտ շրջող արջին կերակրելու, սակայն քիչ է մնացել, որ ինքը կենդանու համար կերակուր դառնա։
Տղամարդը որոշել է իջնել իր մեքենայից և ուտելիքով շարժվել է դեպի կենդանին։ Հավանաբար, վերջինս էլ չի ցանկացել այդքան մտերիմ ծանոթություն տղամարդու հետ և շտապել է հարձակվել նրա վրա։ Տղամարդուն հրաշքով հաջողվել է փրկվել՝ ցատկելով մեքենայի վրա։
Ռուսական լրատվամիջոցները նշում են, որ մասնագետները հորդորում են մարդկանց կենդանիներին չկերակրել ճանապարհների եզրերին, քանի որ կենդանիները ընտելանում են ուտելիք ստանալու հեշտ ճանապարհին, իսկ հետո, եթե այն հաջորդ անցորդից չստանան, կարող են հարձակվել նրա վրա:
Մանրամասները՝ տեսանյութում։
