ՏԵՍԱՆՅՈՒԹ․ Տեղեկատվական թերթիկները կարողացել են ոչնչացնել․ Հոխիկյանը մանրամասներ է ներկայացրել

«Փորձեցին խլել ստորագրահավաքի թղթերը, թույլ չտվեցի, բայց տեղեկատվական թերթիկներ կարողացան ոչնչացնել, որոնք պաշտոնական փաստաթուղթ չեն համարվում»։ Միջէթնիկ հարցերով փորձագետ, Մարտունու «Հայաքվե» նախաձեռնության համակարգող Նաիրի Հոխիկյանը մանրամասներ է ներկայացրել այսօրվա միջադեպի վերաբերյալ. 

«Առավոտյան պատահար տեղի ունեցավ Մարտունու Մշակույթի պալատում՝ «ՀայաՔվեի» ստորագրահավաքի ժամանակ: Մարդիկ մոտեցան՝ հստակ ուղղորդված, պահանջեցին հեռացնել ստորագրահավաքը, շեշտեցին՝ որևէ մեկն իրավունք չունի իրենց վարչապետին քննադատել, անցան վիրավորանքների: Ստիպված եղա ոստիկանություն հրավիրել: Փորձեցին խլել ստորագրահավաքի թղթերը, թույլ չտվեցի, բայց տեղեկատվական թերթիկներ կարողացան ոչնչացնել, որոնք պաշտոնական փաստաթուղթ չեն համարվում»,- ասել է Հոխիկյանը։

Նա հավելել է, որ ստորագրահավաքը Մարտունիում շարունակվում։

Մանրամասները՝ տեսանյութում։

Հիշեցնենք՝ ավելի վաղ հայտնել էինք, որ Մարտունիում մի խումբ տղամարդիկ «Հայաքվեի» ստորագրահավաքի վայրի մոտակայքում սադրել և քաշքշել են լրագրող Նաիրի Հոխիկյանին