Պատմության մեջ առաջին անգամ արհեստական ինտելեկտը ֆոտոշարք է ստեղծել ամսագրի շապիկի համար
Պատմության մեջ առաջին անգամ արհեստական ինտելեկտը օգտագործվել է Glamour Bulgaria-ի շապիկը ստեղծելու համար։ Այդ մասին գրում է Gazeta.ru-ն` հղում անելով The New York Post-ին։
32-ամյա Լիզա Օփին, նախկին «Միսս Վիրջինյան կղզիները», հայտնվել է Glamour Bulgaria ամսագրի օգոստոսյան շապիկին՝ ֆուտուրիստական բարբիի հագուստով։
«Ես և իմ թիմը սթրիբորդ էինք անում, և մենք ցանկանում էինք բարբիի ֆուտուրիստական թեմա անել, քանի որ, առաջին հերթին, Բարբին իմ ապրելակերպն է, ես այդպիսին եմ: Եվ հաշվի առնելով այն փաստը, որ «Բարբի» ֆիլմն է թողարկվել, այն պարզապես կատարյալ էր»,- ասել է նա։
Նախապատրաստվելով ֆոտոշարքին՝ Օփին և նրա ոճաբան Ջոի Ռոլոնը հայտնաբերել են AI-ի ստեղծած Բարբիի պատկերը՝ Ֆրեն Իքս անունով մի կնոջ: Օփին և նրա թիմը որոշել են կապ հաստատել Ֆրանի հետ, ով Instagram-ի էջ ունի (Meta ընկերության սեփականատերն է. ընկերությունը Ռուսաստանում ճանաչվել է ծայրահեղական և արգելված է):
Ֆրենը դրականորեն արձագանքել է համագործակցության գաղափարին, և Օփին նրան է ուղարկել տասնյակ լուսանկարներ: Արհեստական ինտելեկտը մոտ 20 րոպեում ստեղծել է մոտ 50 լուսանկար ամսագրի շապիկի համար։
«Դա շատ, շատ պարզ և շատ զվարճալի էր, քանի որ երբեմն այնպիսի տեսք էիր ունենում, որի մասին չէիր էլ մտածում, բայց դրանք քեզ ավելի շատ դուր էին գալիս, քան քո սկզբնական գաղափարը», - ասել է մոդելը:
