Դա ակնհայտորեն վտանգ է ստեղծում Ռուսաստանի համար․ Պուտինը՝ Ուկրաինայի՝ ՆԱՏՕ-ին անդամակցելու մասին
Ուկրաինայի անդամակցությունը Հյուսիսատլանտյան դաշինքին (ՆԱՏՕ) վտանգ կստեղծի Ռուսաստանի անվտանգության համար։ Այս մասին «Ռոսիա-24» հեռուստաալիքի եթերում հայտարարել է ՌԴ նախագահ Վլադիմիր Պուտինը։
«Ինչ վերաբերում է ՆԱՏՕ-ին Ուկրաինայի անդամակցությանը, ապա մենք բազմիցս ասել ենք, որ դա ակնհայտորեն վտանգ է ներկայացնում Ռուսաստանի անվտանգության համար»,- ասել է նա՝ շարունակելով,- «Եվ, փաստորեն, հատուկ ռազմական գործողության պատճառներից մեկը Ուկրաինայի՝ ՆԱՏՕ-ին անդամակցելու սպառնալիքն է»,- ասել է Վլադիմիր Պուտինը։
«Վստահ եմ, որ ՆԱՏՕ-ին անդամակցումը չի բարձրացնի բուն Ուկրաինայի անվտանգությունը, և ընդհանրապես աշխարհը շատ ավելի խոցելի կդարձնի և կհանգեցնի լրացուցիչ լարվածության միջազգային ասպարեզում»,- հավելել է երկրի նախագահը։
