ՌԴ-ն ՀՀ-ի թիվ մեկ առևտրային գործընկերն է. Քերոբյանը ՌԴ-ի հետ ապրանքաշրջանառության մինչև 60%-ի աճ է կանխատեսում
Հայաստանի և Ռուսաստանի միջև ապրանքաշրջանառության աճը տարեվերջին կարող է հասնել 60 %-ի։ Այս մասին ТАСС-ին հայտնել է Հայաստանի էկոնոմիկայի նախարար Վահան Քերոբյանը` Եկատերինբուրգում անցկացվող «Իննոպրոմ-2023» ցուցահանդեսում։
«Անցյալ տարի Ռուսաստանի հետ մեր ապրանքաշրջանառությունը կազմել է ավելի քան 5 մլրդ դոլար։ Այժմ մենք գտնվում ենք կրկնակի աճի մակարդակում։ Կարծում եմ՝ տարեվերջին կհասնենք 50-60 %-ի աճի», – ասել է Քերոբյանը։
Նախարարն ընդգծել է, որ Ռուսաստանը Հայաստանի «թիվ մեկ առևտրային գործընկերն է»։ Քերոբյանը հավելել է, որ ԵԱՏՄ երկրների հետ առևտուրը նույնպես կրկնապատկվել է։
