Ուկրաինան դեռ պետք է կատարի մի շարք պահանջներ, որպեսզի կարողանա դառնալ ՆԱՏՕ-ի անդամ․ Ջոն Քիրբի
Ուկրաինան դեռևսմի շարք պահանջներ պետք է կատարի, որպեսզի կարողանա դառնալ ՆԱՏՕ-ի անդամ։ Այս մասին է հայտնում է CNN-ը՝ վկայակոչելով Սպիտակ տան ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Մենք հավատում ենք, որ ՆԱՏՕ-ն Ուկրաինայի ապագան է։ Դա այն է, որի մասին դաշինքը համաձայնել է 2008 թվականին։ Այժմ Ուկրաինային անհրաժեշտ են որոշակի բարեփոխումներ՝ լավ կառավարում, օրենքի գերակայություն, քաղաքական բարեփոխումներ, և մենք հասկանում ենք, որ դժվար է աշխատել այդ բարեփոխումներից որոշների վրա, երբ դու պատերազմի մեջ ես: Իհարկե, նրանք այժմ պատերազմի մեջ են։ Ուստի մոտ ապագայում ՆԱՏՕ-ին անդամակցելը քիչ հավանական է, քանի որ այս դեպքում ՆԱՏՕ-ն պատերազմի մեջ կլինի Ռուսաստանի հետ» ,- ասել է Ջոն Քիրբին։
Այնուամենայնիվ, Քիրբին ընդունել է Զելենսկու հիասթափությունը, որն այսօր խիստ քննադատությամբ է հանդես եկել Լիտվայի գագաթնաժողովում ՆԱՏՕ-ին անդամակցելու հնարավոր ճանապարհի վերաբերյալ քննարկումների հետ կապված:
«Այո, կա հիասթափություն, կա այս պատերազմը որքան հնարավոր է շուտ ավարտելու ցանկություն. մենք հասկանում ենք այս ամենը», - ասել է Քիրբին։
