Էրդողանը համաձայնել է վավերացնել Շվեդիայի անդամակցությունը ՆԱՏՕ-ին․ Ստոլտենբերգ
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Թուրքիայի նախագահ Ռեջեփ Թայիփ Էրդողանը իր և Շվեդիայի վարչապետ Ուլֆ Քրիստերսոնի հետ այսօրվա հանդիպմանը համաձայնել է խորհրդարանի վավերացմանը ներկայացնել Շվեդիայի՝ ՆԱՏՕ-ին անդամակցելու մասին արձանագրությունը։
«Հաշվի առնելով Եվրատլանտյան տարածքում զսպման և պաշտպանության կարևորությունը՝ թուրքական կողմը Շվեդիայի անդամակցության մասին արձանագրությունը կհանձնի Ազգային մեծ ժողովին և սերտորեն կաշխատի խորհրդարանականների հետ՝ վավերացումն ապահովելու համար», - ասվում է Ստոլտենբերգի հայտարարության մեջ։
Էրդողանը մեկ տարով արգելափակեց Շվեդիայի մուտքը ՆԱՏՕ, իսկ երկուշաբթի անսպասելիորեն հայտարարեց, որ կանաչ լույս չի վառի, քանի դեռ ԵՄ-ն չի վերականգնել ԵՄ-ին Թուրքիայի անդամակցության շուրջ բանակցությունները։
