ՌԴ-ի մանկապարտեզներից մեկի տարածքում սնդիկով լի արկղ է հայտնաբերվել
Մոսկվայի Վեշնյակի թաղամասի մանկապարտեզում սնդիկով լի արկղ է հայտնաբերվել: Այս մասին գրում է SHOT-ը:
Թելեգրամյան ալիքի տեղեկություններով՝ արկղը գտել է Կետչերսկայա փողոցի տներից մեկի բնակիչը։ Մանկապարտեզի տարածքից մի քանի մետր հեռավորության վրա ընկած է եղել քառակուսի արկղ, ըստ երևույթին դեռ խորհրդային արտադրության, ներսում չորս մետաղական տարա։
Տղամարդը վտանգավոր իրերը երեխաներից հեռացրել է, դրել իր մեքենան ու ոստիկանություն կանչել։ Այժմ աշխատակիցները փորձում են պարզել, թե ով է այնտեղ բերել վտանգավոր պարունակությամբ տուփը։
