ՌԴ ուժայինները հայտնել են Ղրիմի ղեկավարի հանդեպ մահափորձը կանխելու մասին
Ռուսաստանի անվտանգության ուժերը կանխել են Ղրիմի ղեկավար Սերգեյ Ակսյոնովի դեմ մահափորձը։ Այս մասին հաղորդում է «РИА Новости» գործակալությունը՝ վկայակոչելով ՌԴ անվտանգության դաշնային ծառայության (ԱԴԾ) հաղորդագրությունը։
«Բերման է ենթարկվել 1988 թվականին ծնված Ռուսաստանի քաղաքացի, որը հավաքագրվել է Ուկրաինայի զինված ուժերի կողմից և Ուկրաինայի տարածքում անցել է հետախուզական-դիվերսիոն գործունեության, այդ թվում՝ ականապայթեցման դասընթացներ», - ասվում է մամուլի հաղորդագրությունում։
Տղամարդը, ենթադրաբար, ծրագրել է պայթեցնել Ակսյոնովի մեքենան, սակայն բռնվել է ռումբը թաքստոցից հանելիս։
ԱԴԾ-ն քրեական գործ է հարուցել ահաբեկչության փորձի և պայթուցիկ նյութերի ապօրինի ձեռքբերման հոդվածներով։
Մայիսին հաղորդվել էր նաև Ղրիմում ահաբեկչական հարձակումների կախման մասին, որոնց թիրախում են եղել, ի թիվս այլոց, Սերգեյ Ակսյոնովը, խորհրդարանի նախագահ Վլադիմիր Կոնստանտինովը և Յալթայի քաղաքապետ Յանինա Պավլենկոն: ԱԴԾ-ն ահաբեկչությունների անմիջական կազմակերպիչ է անվանել Ուկրաինայի նախագահ Վլադիմիր Զելենսկիի գրասենյակի ղեկավարի տեղակալ Ռոման Մաշովեցին։
