ԲԴԽ-ն դադարեցրեց մի խումբ դատավորների լիազորությունները
Բարձրագույն դատական խորհուրդը այսօրվա նիստում դադարեցրեց մի խումբ դատավորների լիազորությունները։ Այս մասին ԲԴԽ նիստի ժամանակ հայտարարեց խորհրդի նախագահ Կարեն Անդրեասյանը։
Դատարանում քննվում էր արդարադատության նախարարի պարտականությունները կատարող Լևոն Բալյանի միջնորդությունները։
ԲԴԽ որոշմամբ` Երևան քաղաքի առաջին ատյանի ընդհանուր իրավասության քրեական դատարանի դատավոր Դավիթ Հարությունյանը ենթարկվեց կարգապահական պատասխանատվության. նրա լիազորությունները դադարեցվեցին։
Մեկ այլ նիստում կարգապահական պատասխանատվության ենթարկվեցին Սնանկության դատարանի դատավոր Սամվել Թադևոսյանը, Վերաքննիչ քաղաքացիական դատարանի դատավոր Աստղիկ Խառատյանը, Վճռաբեկ դատարանի քաղաքացիական պալատի դատավորներ Արտակ Բարսեղյանը և Տիգրան Պետրոսյանը, և նրանց լիազորությունները դադարեցվեցին։
Դատարանը որոշեց Սնանկության դատարանի դատավոր Սամվել Թադևոսյանին կարգապահական պատասխանատվության ենթարկելու վերաբերյալ վարույթը կարճել՝ հաշվի առնելով այն, որ վերջինիս լիազորություններն արդեն իսկ դադարեցված են։
Որոշումն ուժի մեջ է մտնում որոշման պահից և վերջնական է։
ԲԴԽ նախագահ Կարեն Անդրեասյանը տեղեկացրեց, որ դատավոր Արշակ Վարդանյանն ունի հատուկ կարծիք։
